തൗഹീദ് സാദാ സമയവും നമ്മോടൊപ്പം

നാം അറിയാതെ അകറ്റി നിര്‍ത്തിയ തൌഹീദ് ...അലമാരകളില്‍ അടുക്കി വെച്ച തൌഹീദ് ...വീടുകളിലും സ്ഥാപനങ്ങളിലും വാഹനങ്ങളിലും തൂക്കിയിടുന്ന തൌഹീദ് ...തര്‍ക്ക വിതര്‍ക്കങ്ങളിലും ഖണ്ടനങ്ങളിലും മാത്രം മുഴങ്ങി കേള്‍ക്കുന്ന തൌഹീദ് ...പ്രഭാഷകന്‍റെ നാവിന്‍ തുമ്പിലും എഴുത്തുകാരന്‍റെ പേനത്തുമ്പിലും കാണുന്ന തൌഹീദ് ....കലാകാരന്‍റെ കരവിരുതുകളില്‍ പ്രത്യക്ഷപ്പെടുന്ന തൌഹീദ് ...അത് സ്ഥാപിക്കേണ്ട സ്ഥാനം മാത്രം ഒഴിഞ്ഞു കിടക്കുന്നു....അല്ല ....അവിടെ അപ്രധാനങ്ങളായ എന്തൊക്കെയോ അടുക്കി വെച്ചിരിക്കുന്നു ...അതിലാര്‍ക്കും ആവലാതിയില്ല....പരിശുദ്ധ റസൂല്‍ (സ) പഠിപ്പിച്ച തൌഹീദ് മാറ്റി നിര്‍ത്തിയാല്‍ പിന്നെ എന്തു ദീന്‍...പിന്നെ എന്തു ഈമാന്‍ ...പിന്നെ എന്തു ഇഹ്സാന്‍ ....??എല്ലാം തൌഹീദില്‍ അതിഷ്ടിതമാണ്.ആ മഹത്തായ തൌഹീദ് സസ്യ ലതാദികളില്‍ പോലും പ്രത്യക്ഷപ്പെടുന്നു ...നാം ചിന്തിക്കുന്നില്ല ....ജീവ ജാലങ്ങളില്‍ അതിന്‍റെ സാന്നിധ്യമുണ്ടാവുന്നു...നാം അവഗണിക്കുന്നു ..ആകാശഗംഗയില്‍ പോലും അത് ഉല്ലേഖനം ചെയ്യപ്പെടുന്നു....എന്നിട്ടും നാം എന്തു ചെയ്തു...?? ഹൃദയത്തില്‍ അതിന് ഇടം നല്‍കിയോ..? മനസ്സില്‍ അതിനെ കൊത്തിവെച്ചോ...?? ആത്മാവില്‍ അതിനെ ഇഴചേര്‍ത്ത് വെച്ചോ...??നാം വിചിന്തനത്തിന് വിധേയമാക്കുക സുപ്രധാനമായ ഈ സത്യത്തെ ഓര്‍മ്മപ്പെടുത്തുകയാണ് ശൈഖുനാ യൂസുഫ് സുല്‍ത്താന്‍ ശാഹ് ഖാദിരി ചിശ്ത്തി മഹാനവറുകള്‍... അര നിമിഷം പോലും അറുത്തു മാറ്റാനാവാത്ത ഈ തൌഹീദിനെ ആത്മാവുകളില്‍ സന്നിവേശിപ്പിച്ച മഹദ് ചരിത്രത്തിന്‍റെ തനിയാവര്‍ത്തനമാണ് ശൈഖുനാ. തൌഹീദ്, അതാണ്‌ നമ്മുടെ വിലാസം. അകതാരില്‍ അതിന്‍റെ സാന്നിധ്യമാണ് നമ്മെ മുസ്ലിമാക്കുന്നത് ..ഇടവിടാതെയുള്ള അതിന്‍റെ സ്പന്ധനമാണ് നമ്മെ പൂര്‍ണ മു'മിനാക്കുന്നത് ...ആ പൂര്‍ണ തൌഹീദ് കൊണ്ടാണ് മുന്‍ഗാമികള്‍ സമ്പന്നത കൈവരിച്ചത്...തൌഹീദ് കൊണ്ട് തന്നെയാണവര്‍ നന്നായതും നന്നാക്കിയതും . ആദ്യ നൂറ്റാണ്ടുകാര്‍ തൌഹീദിന്‍റെ വാഹകരായിരുന്നു..വക്താക്കളും .. അവര്‍ അതുല്യ മാതൃകകളും അനുകരണീയ വ്യക്തിത്വങ്ങളുമായാത് പൂര്‍ണ തൌഹീദ് കൊണ്ടായിരുന്നു....സച്ചരിതരായ സ്വഹാബികള്‍ തൌഹീദിന്‍റെ ജീവല്‍ പ്രതീകങ്ങളായിരുന്നു .. വിശുദ്ധ ഖുര്‍'ആന്‍ അവരെ പരിചയപ്പെടുത്തിയത് ഇങ്ങനെയാണ് .. وكانوا احق بها واهلها "അവര്‍ ‍ തൌഹീദിന്‍റെ ആളുകളും അവകാശികളുമായിരുന്നു " ആ വിശുദ്ധ തൌഹീദിലൂടെ മാത്രമേ അവസാന കാലത്തെ ജനതയും വിജയം വരിക്കുകയോള്ളൂ...വിശുദ്ധ റസൂല്‍ പഠിപ്പിച്ചതതാണ് .. لا يصلح آخر هذه الامة الابما صلح به اولها "ആദ്യ ജനത നന്നായത് കൊണ്ടല്ലാതെ അവസാന കാലക്കാര്‍ നന്നാവുകയില്ല..." ശൈഖ് യൂസുഫ് സുല്‍ത്താന്‍ ശാഹ് ഖാദിരി ചിശ്തി അതാണ്‌ നിര്‍വഹിക്കുന്നതും ആഹ്വാനം ചെയ്യുന്നതും...തൌഹീദി ന്‍റെ പ്രാധാന്യവും അത് ചേര്‍ത്ത് വെക്കേണ്ടത് എവിടെയെന്നും അത് പകര്‍ത്തിയെടുക്കേണ്ടത് ആരില്‍ നിന്നെന്നും അത് പരിരക്ഷിക്കാനുള്ള ലളിതവും പ്രായോഗികവുമായ വഴിയേതെന്നും മഹാനവറുകള്‍ ലോകത്തെ പഠിപ്പിച്ചു കൊണ്ടിരിക്കുന്നു